اهلا بكم احبتى فى الله اسعد بصحبتك من خلال هذه السطورجميع واتمنى وصفة اليوم تنال اعجاب الجميع
كتير مننا بيحب البسبوسه وكتير من السيدات بتشتكى من عدم نجاح البسبوسه ما تقلقيش انهارده هنقدملك وصفه
رائعه وسهله جدا لعمل البسبوسه وقت تحضيرها 20 دقيقه تقريبا وللبسبوسه شروط لنجاحها ضيفى البودرمع قليل من بكربونات الصوديوم كى تصبح منفوشه وتتشرب كل الشربات بتاعها ممكن تستخدمى قشطه بدلا من الزبد او السمن لجعلها طريه
وتكسبها اللون الذهبى الجميل
عند عجنها لاتجعليها سايلة لكن تكون مرملة ومتماسكة الى حد ما ومن اسباب نجاحها عند خروجها من الفرن وصب الشربات تشربه كله مرة واحدة وما يتراكمش في الصينية
اشعلى الفرن قبل الخبز بفتره كى تحمر بسرعه وتكون طريه ما تنشفش فى الفرن
الشربات يكون خفيف نوعا ما وضيفى له معلقة سمنه بلدى او زبدة عشان اللمعة الخيالية والريحة الجميله
قومى بتقطيعها مربعات قبل الخبز هاتكون سهلة جدا في التقطيع بعد ما تخرج من الفرن
بعد النضج ضيفى الشربات دفعه واحده ورجعيها الفرن تانى لمدة ربع ساعه هتلاقيها طريه جداا ورائعه
لو بتحبيها دسمه ضعى عليها قشطه فور خروجها من الفرن ورشى عليها قليل من الفسدق او بندق براحتك
تخلطي المكونات الجافه مع بعضها
والسايله مع بعضها بعدين اتصبيهنم على بعض
اتبعى معايا المقادير والطريقه يلا نبتدى
بسم الله الرحمن الرحيم
المقادير:2 كوب سميد ناعم-نصف كوب جوز هند-نصف كوب سكر بودره-150 جرام زبده سايحه
كوب الاربع لبن زبادى-معلقه الا ربع بيكربونات صوديوم- ربع معلقة صغيره ملح- ربع معلقة لوز
مقادير الشربات
==========
كوب ماء- كوب سكر-معلقة ونصف ماء ورد- معلقه ونصف عصير لمون - معلقة سمن اوزبده
طريقة تحضير الشربات
===========
1-ضعى السكر والماء والزبده على النار وتكون النار متوسطة الحراره
2-قلبى المكونات جيدا حتى يذوب السكر
3-ضيفى عصير الليمون وماء الورد الى الخليط السابق وقلبى جيدا
4-اغلى الشربات لمده ربع ساعه حتى يغلظ القوام قليلا واتركيه جانبا
5-اذهبى لتحضير البسبوسه تابعى الطريقه
1- ضعى السميد وبيكربونات الصودا فى وعاء وامزجيهم ببعض
2-ضيفى جوز الهند والسكروالملح واخلطى جيدا
3-قومى باضافة الزبده السايحه والزبادى الى الخليط وامزجى الخليط باستخدام معلقه خشبيه حتى يتجانس الجميع
4- احضرى صنيه مدهونه بالسمن وافرشى عليها ورق الزبده منعا للاتصاق
5- صبى البسبوسه فى الصنيه واتركيها لمدة 20 دقيقه قبل دخولها الفرن
6-قطعى البسبوسه مثلثات او مربعات حسب رغبتك وضعى فى كل مربع او مثلث حبه من اللوز فى منتصف المربع
7-دخلى البسبوسه فى فرن محمى قبله بحوالى 20 دقييقه تقريبا اشعلى الفرن قبل البدا فى عمل البسبوسه
8-ضعى البسبوسه على الرف الاوسط فى الفرن لمدة 20 دقيقه
9- قومى باخراج البسبوسه من الفرن وقطعيها مره اخرى ثم رجعيها الى الفرن مرة اخرى حتى يصبح لونها ذهبيا
10- اخرجى البسبوسه من الفرن وصبى عليها الشربات دفعهواحده وقومى بتقديمها لاسرتك مع كوب من الشاى او اللبن
نرجو ان تكون الوصفه نالت اعجاب الجميع ونتمنى مشاركتكم للوصفه كى تعم الفائده كما يسعدنا تعليقاتكم واستفسارتكم
ونسعد بتقديم وصفات لكم ننشرها باسم اصحبها كى نستفاد منها ويستفاد الاخرون وشكرا لمروركم الكريم
والى اللقاء فى وصفه اخرى مع جوجو
-
