اهلا بكم من جديد مع اشهى واسهل وصفات جوجو نتمنى وصفة اليوم تعجبكم وتنول رضائكم
وكما عودناكم على تقديم وصفات على اد الايد وفى نفس الوقت لذيذه ومفيده وصحيه
ولان كل ست او بنت زوجه او ام او حتى جده لعبتها ومتعتها المطبخ وحبها وعشقها
لاصناف الاكل الذيذه وحبها لزوجها واولدها يدفعها دائما لابتكار كل ماهو جديد فى
اصناف الطعام وطبعا وسط الغلاء فى الاسعار الباهظه والتى ترهق الاسره المصريه
كل ام تبحث على اكلات شهيه يحبها الجميع وتكون على اد الايد حرصنا على تقديم
اصناف لذيذه وعلى اد الايد طبعاا وانهارده وصفه بيحبها الاطفال جميعا والكبار ايضا
انا عن نفسى بحبها وولادى كمان وهى الهمبورجر طبعا والان الهمبورجر من اكلات
التيك اوى السريعه فهى مضره جدا بالصحه عشان كده يفضل انك تعمليه فى البيت
وده لاسباب كثيره منها انه هيكون على اد ايديكى وهتوفرى وكمان هتكونى متاكده
انه صحى وغير ضار لانك عملاه بايديكى الحلوين وهيعجب عيلتك جدا وهيحبوه
مقادير الهمبورجر
=================
نصف كيلو لحم بقرى مفروم فرم ناعم- ملح-فلفل- بهارات
نصف كوب حليب او بيضتان- زيت للتحمير
نص كوب بقسماط ناعم-بصله متوسطه مفرومه ناعما
الطريقه:
==============
ضيقى كل المقدير السابقه تضاف الى اللحم المفروم وتقلب جيدا
وتشكل من 6 الى 7 اقراص حسب رغبتك احضرى طاسه تيفال
بها قليل من الزيت او السن او خليط من الثنين حمرى الهمبورجر
فى الماده الدهنيه من الجهتين بسرعه ثم تهدا النار وتترك حتى النضج
او توضع اقراص الهمبورجر فى صنيه مدهونه بالزيت او السمن خفيفا
وتزج فى فرن متوسط الحراره وتترك حتى النضج تقدم مع عيش توست
مع شرائح من الخيار والطماطم والبصل والخس والفلفل والزتون
وذلك حسب الرغبه طبعا بتشتريه جاهز بيكون عليه مايونيز لذيذ
ولا المايونيز غالى والولاد بيحبوا المبورجر عليه ما يونيز
جربى تعمليه فى البيت سهل وبسيط وغير مكلف
مقادير المايونيز
=================
2 بيضه كبيره -كوب زيت- ملح -فلفل ابيض او اسود
معلقة خل ابيض
الطريقه
=========
ضعى البيض فى الخلاط واضربيه جيدا دون فصل الكهرباء لمده
10 دقائق صبى الزيت والخلاط شغال دون توقف احرصى
عند صب الزيت على البيض يكون سرسوب رفيع وباستمرار
هتلاقى المزيج ابتدا يتماسك معاكى ضعى معلقة الخل والملح
والفلفل الاسود وقومى بوقف الاخلاط ضعيه فى برطمان فى الثلاجه
لحين استخدامه وبالهنا والشفا انت واسرتك يارب
=========================
دلوقت وصلنا للحلو سلطة الفواكهه المفيده واللذيذه
========================
المقادير
=============
فواكهه متنوعه حسب الرغبه والموسم مثل(بتقال-موز-تفاح-مشمش-عنب-كرز-
فراوله--الخ )مع ملاحظة انه يمكن ان يستخدم الفواكهه المحفوظه او خليط من الفواكهه الطازجه
والمحفوظه معا
مقدار الشراب
=======
1كوب سكر-2كوب ماء- معلقه صغيره من عصر الليمون
الطريقه: يعمل الشراب -المحلول السكرى -باضافة مقدار السكر الى الماء ويترك على النار يغلى مع اضافة عصير الليمون لمدة خمس دقايق ثم يرفع من على النار ويترك ليبرد وقد يستغنى عن عمل الشراب باستعمال شراب الفاكهه المحفوظه
تغسل انواع الفاكهه الطازجه جيدا وتجفف تجهز الفاكهه حسب نوعها كما يلى:
تقشر وتقطع قطعا صغيره مناسبه كما فى التفاح والموز والكمثرى ويمكن عدم تقشير التفاح لتحصل على لون جميل من السلاطه
مع مراعاة تغطية قطع التفاح والموز والكمثرى بالمحلول السكرى حتى لا يسود لونها
نزع بذور الحمضيات مثل البرتقال قبل استخدمها كما تنزع نواة المشمش ايضا
ترتيب الفاكهه المستعمله والمجهزه فى طبق بلورى عميق او كبير الحجم بحيث يلاحظ تناسق الالوان
تضاف الكميه المناسبه من المحلول السكرى
تجمل بوردات من الكريمه الجاهزه مع استخدام الكرز ان وجد
بكده انت حصلتى على واجبه كامله متكامله ليكى ولكل اسرتك باقل التكاليف واسهل الطرق
نتمنى وصفة الييوم تنال اعجاب حضراتكم وننتظر تعليقاتكم واستفسارتكم واى وصفه تريدون
معرفتها سوف نحضرها لكم فى اقرب وقت كما ننتظر مشاركتكم مع الاصدقاء كى يستفاد
الجميع ونحن على اتم استعداد انشر وصفات اصدقاء المدونه باسم صاحبة الوصفه
والى اللقاء فى وصفات اخرى لذيذه وشهيه وشكرا على مروركم الكريم سعدنا بكم
تحياتى
