ماهي اساسيات المطبخ من مواعين و اغراض وغيرة؟ ففي موضوع اليوم المقدم من مطبخ جوجو سوف نتحدث عن هذة الاساسيات واحدة تلو الاخري فلنبدأ قائلين بأن المطبخ يعتبر هو سرك الأول لذلك يجب ان تتوفر فيه الشروط التي تجعل منه مكان مريحا وعمليا، ولكي تسر العين منه يجب أن يكون ممتعا، وأنيقا في نفس الوقت.
وتبين أن أفضل المطابخ العربية هي تلك التي تتميز بمساحات كبيره، وطاولة الطعام تكون في المنتصف مما يجعله مركز للتجمع الأسري لإتخاذ اهم القرارات ..
فماهو أول مايخطر في بالك من ادوات في المطبخ والتي تشكل اهميه قصوى في المطبخ ؟؟
سوف اجاوب علي سؤالك وأقول أنة
يجب ان يحتوي المطبخ على العديد من الاشياء، ولكن اول ما ياتي على اذهاننا هو اساسيات المطبخ. وسأحاول إدراج كل ماهو اساسي لتجعلي المطبخ متكامل وانيق كما وضحنا سابقا في موضوعات اخري فلنبدأ ..
أساسيات المطبخ المتكامل وبالاخص المطبخ العربي:
فيعتبر البوتاجاز والثلاجة من اهم اساسيات المطبخ العربي بجانب العديد من الاشياء الاخرى والتي يجب البحث عنها جيدا.
ولكي أريحكصديقتي من عناء البحث، حاولت في هذا الموضوع أن ادرج اكبر كميه ممكنه من الأدوات العاديه والكهربائيه لتحصلي على المطبخ المتكامل الذي تريدينه بشكل انيق وجذاب للغاية
المطبخ هو سرك الأول لذلك يجب ان تتوفر فيه الشروط التي تجعل منه مكان مريحا وعمليا ، وبالإضافه لذلك ولكي تسر العين منه يجب أن يكون ممتعا وأنيقا في نفس الوقت .
"الصواني والقدور والأوعيه"
كما نعرف جميعنا ان هناك انواع عده من الصواني واشكال مختلفه وكثيرة ايضا ..
وقبل ان نستعرض كل نوع على حده، اود ان نرى سوياً مجموعه متكامله من الصواني بأشكالها المختلفه لكي نتعرف عليها بشكل اكبر
فتعتبر الصواني المستديرة والمستطيلة هي أول وأهم الصواني في مطبخنا العربي والتي تعودت اعيوننا على روئياها في المطبخ ، نستطيع عمل اكلات الصواني المختلفه بها وصف الفطائر الصغيره ايضا، وقالب الفطائر الكامل. وهنا نرى بعضاً منها باختلاف المعدن المستخدم فيها من الاستنل ستيل والنحاس والزجاج المقاوم للحراره والحديد المعالج وهكذا.
"كيف تجهزين مطبخك بالكامل"
اولا طقم الحلل وياريت طبعا منجبش المونيوم لانها اخطر انوع الحلل ونستبدلها بالاستانلس لانه صحى جدا ومتتخدعيش باى طقم استانلس هاتى طقم يكون اصلى وياريت تخلى معاكى مغناطيس وانتى بتشترى لان لو المغناطيس لزق فى الاستانلس اعرفى انه مغشوش ولو طقم الاسنانلس كان غالى عليكى هاتى المونيا بس تكون عاليه الجودة
تانى حاجة طقم الطاسات ودى لازم يبقى منها طاسة كبيرة للقلى وطاسات صغيرة للتحمير السريع او عمل البيض المقلى
صوانى الفرن ودى تقسميها نوع للاكل فى الفرن زى صوانى الباشميل والرقاق وهاتى صينية خاصة بالكيك وكمان فى صوانى للبسبوسة ودى ممتازة لعمل البيتزا
طقم الصينى وده على قد متقدرى جيبيه شيك ومودرن لان معظمنا كمصريين بنحطه فى النيش وبرضه طقم بيركس للاكل وهاتى منه ياريت الفرنساوى او التركى لانه بيستحمل
بالنسبة لطقم المعالق وده بيكون عبارة عن 12 معلقة كبيرة وصغيرة وشوك وسكاكين هاتى برده فردانى للمطبخ وولاستعمال اليومى علشان التانين ميتبهدلوش من كتر الاستخدام
طقم التوزيع على قد متقدرى هاتيه عملى علشان يفيدك فى الغرف والتقديم ولو عندك طقم حلل تيفال يبقى هاتى طقم خشب
صوانى التقديم راعى انه يكون فى منهم استانلس للضيوف ويكون احجام كبير ووسط وصغير وهاتى منهم ميلامين للبيت
هاتى طقم كنك للشاى وبراد كبير وطقم تانى للقهوة وغلاية للبن
دوارق الميا هاتى منها بلاستيك للبيت وللمطبخ وهاتى منهم زجاج
طقم البهارات راعى على قد متقدرى يكون عملى ولو انتى من النوع اللى بيحب الحاجات الانتيكة هاتى واحد للرخامة لكن لباقى البهارات هاتى حاجة عمليه
الكوبايات هاتى منهم للميا ووللعصير وهاتى كاسات خاصة للتقديم للضيوف وطقم مجات صينى وقزاز وفناجين للقهوة
بالنسبة للحلويات هاتى طباق للارز بلبن والايس كريم والفروت سلات
السكاكين هاتى منهم كذا حجم صغير وكبير ورفيع ومشرشر علشان يفيدك للتقطيع سواء لحوم او خضار او فاكهة وبرضه متنسيش مقص للمطبخ وساطور صغير ينفع للفراخ او البط ....ومقورة للكوسة ومقشرة للبطاطس
الهون بتاع المطبخ هاتيه المونيوم او خشبه يكون عالى
هاتى مساكات للمطبخ تفيدك لما تمسكى حاجة سخنة وجوانتى لغسيل المواعين ومريلة مطبخ وفوط للمطبخ
بالنسبة للبلاستيكات هاتى طباق لغسيل الفاكهة والارز وطشت صغير ينفعك لنقع الحاجة ومقشة ومساحة وجاروف وباسكيت للمطبخ
وهاتى مفارش بلاستيك لفرش دواليب المطبخ
ونصيحة منى كجوجو اقلهن مؤنة اكثرهن بركة كما اخبر الحبيب المصطفى
فلاداعى للفشخرة والتباهى قدام الناس والتفاخر بعدد الاطقم وانواعها وماركاتها واحمدى الله على نعمة الزواج لان انتى اللى خسرانه لانك هتدفعى كتير فى حاجات ملهاش لازمة وهتحتارى بعد الجواز تحطيهم فين ...وكمان الفشخرة دى ممكن تصيبك بعين حاسد ربنا يعافينا ويعافيكى
